| والله لكن ! لابدين بيه براااااااااااااااااكم ؟ | |
|
+2يوسف حمد النيل محمد حسنين سائح 6 مشترك |
كاتب الموضوع | رسالة |
---|
محمد حسنين سائح
المساهمات : 6 تاريخ التسجيل : 28/02/2009 العمر : 47
| موضوع: والله لكن ! لابدين بيه براااااااااااااااااكم ؟ السبت فبراير 28, 2009 9:04 pm | |
| أصلى لمن ادور اجيك .. بجيك لا بتعجزنى المسافة .. ولا بقيف بيناتنا عارض .. لا الظروف تمسك بأيدى .. ولا من الايام مخافة ،،،
ازيكم يا ناس هووووووووووى | |
|
| |
يوسف حمد النيل
المساهمات : 32 تاريخ التسجيل : 25/02/2009
| موضوع: رد: والله لكن ! لابدين بيه براااااااااااااااااكم ؟ السبت فبراير 28, 2009 9:12 pm | |
| من وين أجيب ليك الشموع توقد ظلام ليل الخريف
من وين أجيب شهد الكلام أسقيك حتى الإرتواء
يا منتهى الريد الكبير يا روعة الحب العفيف
شيل الفرح وديهو حارات المساكين الجياع
وحتى الحقيقة الغايبة في زمن الضياع
يا قبلة الناس القبيل شافوك مئذنه أو شراع
يا مسرح الشجن الأليم خلينا في جنبك ستار
يا مشهد الحزن القديم حرك دموع الإنتظار
تنزل تبل كل الورود تسقيها سر الإزدهار
تغشاك يا أنبل صباح تورق زهور في كل دار
أرجاهو بي فارغ الصبر يمكن يكون الحل هناك
يا عزة الزول الوقف وسط الدرب يحرق خطاويهو الجمر
إيه العمل ؟ وكل الحصل إنو الحقيقة بقت سراب
يملا الأماكن والسبل كل القرى كل الحضر
والأدهى من هذا وأمر ..إنو المواجع زي بحر
الأديب الاريب / محمد حسنين
لك مني كل التحايا ... وألف مرحب | |
|
| |
محمد حسنين سائح
المساهمات : 6 تاريخ التسجيل : 28/02/2009 العمر : 47
| موضوع: رد: والله لكن ! لابدين بيه براااااااااااااااااكم ؟ الأحد مارس 01, 2009 6:03 am | |
| يا يوسف هوى يلاك نطلع .. الله يرضى عليك ويرضيك اطلع .. يا يوسف هوى ماعاد تسمع ؟ ماعدم الجب قبل اعدامك من عكن احجار ... الحفر الجب زول قدامك مو قبيلة فار ... لا بد اكيد ساعة تماه .. لا بد طلع من درب ما ... يا يوسف هوووووووووووووى لازم نطلع .. لا بد نطلع ...
بل انت ايها الاديب ! فقط ادهشنا بروعة حضورك ، كل ما تقوله هو الجمال | |
|
| |
يوسف حمد النيل
المساهمات : 32 تاريخ التسجيل : 25/02/2009
| موضوع: رد: والله لكن ! لابدين بيه براااااااااااااااااكم ؟ الأحد مارس 01, 2009 3:16 pm | |
| كان الخيط التالت أحمر ..
ما هماهو .. أحمر ... أخضر ..
أياً كان اللون العندو
همو الأول .. يستر حالو ...
وهمو التاني .. راحة بالو ..
وهمو الدايم .. هُمّ عيالو ...
سارح شيخنا ...
بحلم بالغيمات المرن
بحلم بغنيماتو الفرن
وبحلم بوليداتو الكبرو ...
وبي حاجات ما ليهن حد ..
بحلم يكبر أحمد بكرة
وبعدو بتكبر بتنا نورا ...
أحمد يمشي المدرسة أول
وتمشي وراهو البت نورتـنا ...
يكبر أحمد بين رفقاتو
وتكبر نورا مع السمحات
***
وترجع نـــــــورا ...
المدرسة يابا بقت دُكان ؟؟؟
كيف آبنية ؟؟؟
قالوا يجيبو قروش المــــوية
وقالوا يجيبو قروش الحـصة
وقالوا يجيبو قروش الحيـــطة
أصلها وقعت لمن جات المطرة البارح
وقالوا يجيبو البنايين
يبنوا الحيطة عشان الناظــرة ...
وشان الشهر الجاي بجينا مفتش ...
قالت كُل الخطـــبة وفاتت ...
ما مسكينة ... صغيرة وجـــاهلة
قايلا كلاما ده وقعو شــــــوية
ما عارفهو كلاما ده مُـــر ...
ما عارفهو بسوي الويـــــــل ...
وما عارفهو كلام ما بســـــر ...
الغالي/ محمد حسنين ثق تماماً ما تملكه من مفرده دوماً يؤكد بأنك رائع بكل ما تحملها
الكلمة من معاني ،، فلك مني كُل الرؤى وأحـلام الزمن القادم .. | |
|
| |
محمد معتصم
المساهمات : 58 تاريخ التسجيل : 25/02/2009
| موضوع: رد: والله لكن ! لابدين بيه براااااااااااااااااكم ؟ الأحد مارس 01, 2009 4:38 pm | |
| الاخوان محمد ويوسف
سعادتى بوجودكم (بى) هنا لا توصف ولا يمكن قياسها حسب المواصفات والمقاييس المعروفة حسيا" ومعنويا"..........
كونوا دوما" هكذا
مودتى | |
|
| |
يوسف حمد النيل
المساهمات : 32 تاريخ التسجيل : 25/02/2009
| موضوع: رد: والله لكن ! لابدين بيه براااااااااااااااااكم ؟ الأحد مارس 01, 2009 6:36 pm | |
| حجيتكم ... ما بجيتكم
فاطنة السمحة شالا
الغول وهم نايمين
محمد في الفريق
مافي وناس الحلة
ما خابرين
ناسا قالو في سنكات
وناسا قالو فات الصين
وفاطنة السمحة
يا زينين
يكورك والدا المسكين
وكنو الجمبو
ما سامعين
ويعاين في الوجوه ميتة
وحتى الحية مشغولين
بتسأل وين
محمد وين
محمد فات
محمد جاي
ومن داك الزمن فزه
وخلى الحلة
تسأل ساي
وأوراق الشجر بتئن
تنادي معاي
سراب يا ربي
ولا حقيقة
لون البهجة في الشفق
البضاري بكاي
زمن والموية
ما بلت شفايف
الغاب
ولا جاها الدعاش باسم
وراهو سحاب
سكت حلق الأرض
جف ولسه الصيف
على الأبواب
وغنم مجذوب هناك
سارحات تفتش في الأرض
أعشاب
ومجذوب خاتي
عكازو بناغم في الأرض
وينك
زمانك ياأرض ولى
وترابك شاب
ضفافك يا أرض حرقة
وخريفك هاب
و شتلي الكنت حاريه
غطس ما بين مسامتك
وأصبح في حشاك
عزاب
زمن مره
وطريناهم مع سقوط
الورق في الغاب
حليل الضفة ما رحلت
ونهرها غاب
براي واقف مع المتراس
بدون ضفة
بدون موية
بعاين في البسمو رهاب
الغالي / محمد معتصم ...
مليون تحيات وإحترام ... معك تزدان الحروف جمالاً ... كن دوماً كما عهدناك ..
فيض مـــــــــودتي | |
|
| |
مني يوسف
المساهمات : 71 تاريخ التسجيل : 26/02/2009
| موضوع: رد: والله لكن ! لابدين بيه براااااااااااااااااكم ؟ الأحد مارس 01, 2009 8:24 pm | |
| [center]انا ياناس مسكونة بيكم .....
موجوعه بيكم .......
ساقني الزمن منكم وليكم ...
وجعني القلب ضيعني الدرب ...
لي شوق المشتهيكم ....
*******
ولمن جا الليل ...
وغلبني الصبر ...
بكيت الالفه بكيت الحنية ...
شديت رحالي ويدي علي الشراع ...
جيتكم الليله من بحور الضياع ...
ولولحت يدي للقراصنة قلت ليهم الوداع الوداع ...
وبقيت قريبه منكم ...
لا يحاحيني طير ...
ولا بتمنعني شوفتكم الحصون ولاالقلاع ....
هوي ياأنتو
يا وجعي
كنتو وين ........
[/center] | |
|
| |
محمد حسنين سائح
المساهمات : 6 تاريخ التسجيل : 28/02/2009 العمر : 47
| موضوع: رد: والله لكن ! لابدين بيه براااااااااااااااااكم ؟ الإثنين مارس 02, 2009 12:42 am | |
| محمد معتصم تحيات كما الزنبق واشواق واحترام كما الدفلين ونحن هنا ! سعيدين بالكل وبك ايضاً ،،،
البت التى صوبت افكارها نحو الفرح وادهشت الجميع بموسمين ( منى يوسف )
شدى حيلك فى المنافى أرقدى عافى وأفتحى الطرق الموديه للمرافىء شدى حيلك وماتخافى لو ظروفنا دعت نجافى ولو قلوبنا عليك تخفق ماهو كافى بيرجع الزمن القبيل عشناهو صافى شدى حيلك صحى نيلك شربى الناس من هديرك رجعيهم من غيابهم كلميهم عن غليلك وعن وطن سلبوه غيرك ( عثمان بشرى ) | |
|
| |
مني يوسف
المساهمات : 71 تاريخ التسجيل : 26/02/2009
| موضوع: رد: والله لكن ! لابدين بيه براااااااااااااااااكم ؟ الإثنين مارس 02, 2009 1:17 am | |
| - محمد حسنين سائح كتب:
- محمد معتصم تحيات كما الزنبق واشواق واحترام كما الدفلين ونحن هنا ! سعيدين بالكل وبك ايضاً ،،،
البت التى صوبت افكارها نحو الفرح وادهشت الجميع بموسمين ( منى يوسف )
شدى حيلك فى المنافى أرقدى عافى وأفتحى الطرق الموديه للمرافىء شدى حيلك وماتخافى لو ظروفنا دعت نجافى ولو قلوبنا عليك تخفق ماهو كافى بيرجع الزمن القبيل عشناهو صافى شدى حيلك صحى نيلك شربى الناس من هديرك رجعيهم من غيابهم كلميهم عن غليلك وعن وطن سلبوه غيرك ( عثمان بشرى ) hgyhgd lpl] [center][b] [size=18]الغالي محمد حسنين
اصحابي ورفقاء دربي
في رحلتي المهيضة هناك
اليكم جميعا اطواق من الفل والياسمين
صدقوني انتم من صنع الدهشة في عيوني
عند لحظة رؤيتي لكم هنا في هذا المكان
فعرفت كم نحن متمسكين بغلاوة وحدتنا ..
استحلفكم بالذي جمعنا في هذا المكان الندي الذي
يفوح منه عطر الامل ان لاتبرحوه...
لانه قناطير مقنطرة من الحب والاخاء والصداقه المخلصة ...
دعوني اهنكئم وانثر عليكم نرجسا ورياحين لميلاد الفرح الحقيقي ..
بينكم .
فلكم كل المني........[/[/b][/size]center] | |
|
| |
هالة المنا
المساهمات : 3 تاريخ التسجيل : 26/02/2009 الموقع : ام درمان - المهندسين
| موضوع: رد: والله لكن ! لابدين بيه براااااااااااااااااكم ؟ الإثنين مارس 02, 2009 4:24 am | |
| ود حسنين والجماعه اللابدين هنا علكم طيبن ..
منو البفتح صباح البوح
ويلملم صوتك المجروح
على شرفة قماري تنوح
ويغني عديله للجايات؟
أسف لو دون مداك شايف
شظف عيشك ولا تخمة رحيل زايف
وقار صمت الكلام المر.. ولا وعد الغنا الهايف
ردمت الهوة بيناتنا وفي بدء الكلام يادوب
أنا العريت.. قواميس الكلام غنيت
لا قبلك ولا بعدك عشق يمخر عباب الهم
ويجاوبك بالقصيد النم
أسائلك كيف ووين نتلم؟
الى ما يلفظك حلمك
يقبل فيك شقاك وينجم
عشم فيك
من عشم فيّ
يمازجنا التقاء الدم
ويادوب الطشاش حلمك
ندهني طشاش
اداريك من سموم تلفح
أتاريك.. غيمه جات ترمح
الى ما تنزحي وأنزح
نقوم من ضو يفج المشهد الزاهي
سكون الكون يطل باهي
يلاقي الشارع الفارع
ناسو الفي الحياه تصارع
تزيد الهوه بيناتنا
ولا عاد الرصيف ضاراي
ولا شقشق صباح مرساك
ونادى للفرح ناداي
ندهتك هل
غشاك الطل
جفاف زهر العمر ينبل
عذرتك لو يساورك شك
إذا انسدت مداخل الحل
متى انهزمت بشاراتك
وايقاع الزمن اختل
على لوحه شروق الفال
يزف وردك صباح الطل
على شرفة قماري تنوح
تغني عديله للجايات
ونغني عديلة للجايات ..
| |
|
| |
يوسف حمد النيل
المساهمات : 32 تاريخ التسجيل : 25/02/2009
| موضوع: رد: والله لكن ! لابدين بيه براااااااااااااااااكم ؟ الإثنين مارس 02, 2009 2:09 pm | |
|
فبلادي منذ أرحل أشتهيها
أجتبيها ... بفؤادي ...
في أُصيحاب تراهم
والوفاء الثرُ بادي
في صدورٍ تحتويني
بالمحبة والودادِ
ووجوه لست أعرفها تنادي
تتكلم بلساني .. أو بغيره
إنني فيهم بأثوابي وساقي
وأنا فيهم مسافر ...
نحو أرض لم تسافر ...
نحو أحبابي ... وأهلي ...
ورفاقي ...
الأخت العزيزة / منى يوسف
تحياتي ...
سنكون بإذن الله كما تودين ...
| |
|
| |
يوسف حمد النيل
المساهمات : 32 تاريخ التسجيل : 25/02/2009
| موضوع: رد: والله لكن ! لابدين بيه براااااااااااااااااكم ؟ الإثنين مارس 02, 2009 2:47 pm | |
|
مِضَّارى جمب الريح
هانت علي روحي
يومي المرقته عليك
قايل عملت الصاح
تاريهو ده الوسواس
جايني يتفرعن
ويقول علي غبي
غردت عكس الطير
تتجارى وسط التيه
إيقاعي كان أشتر
في دنيا زي ترتار
كان البلد دايش
والبيهو ما معقول
الغربة هدة حيل
ياغالية يوم هبت
طرتني ليك اكتر
وادتني كم صفعات
خلتني ابرى أساي
واغزل خيوط الفال
بتذكرك مرة
ماسِك طَرف توبِك
صاري الحِلم طرحه
ريحة العَرق والهيل
عاوزاني اطلع زول
أملى الهِدم فوقي
واسمع خرير النيل
شيلي السماح يمه
وأحكيلي عن الكان
في غابـر الأيام
يوم قلتي عني شقِي
امشي واجيكِ شجي
ترجيني لامن أجي
تديني قرصة اضان
لمن عيوني تطير أصلي كنت صبي
وكان الزمن وهَّاج.
الأخت / هاله
لك كل الود والتقدير ...
| |
|
| |
مني يوسف
المساهمات : 71 تاريخ التسجيل : 26/02/2009
| موضوع: رد: والله لكن ! لابدين بيه براااااااااااااااااكم ؟ الثلاثاء مارس 03, 2009 6:28 am | |
| - يوسف حمد النيل كتب:
فبلادي منذ أرحل أشتهيها
أجتبيها ... بفؤادي ...
في أُصيحاب تراهم
والوفاء الثرُ بادي
في صدورٍ تحتويني
بالمحبة والودادِ
ووجوه لست أعرفها تنادي
تتكلم بلساني .. أو بغيره
إنني فيهم بأثوابي وساقي
وأنا فيهم مسافر ...
نحو أرض لم تسافر ...
نحو أحبابي ... وأهلي ...
ورفاقي ...
الأخت العزيزة / منى يوسف
تحياتي ...
سنكون بإذن الله كما تودين ...
إليكم تساق الحروف الندية
وشهد التواصل ...
وعطر الكلام ...
وفرح المحنة ...
وحلو القصيد ..
إليكم ابعث بطيب الخواطر ...
وعطر الازاهر ...
وزفة الغمام ..
اليكم تساق الاماني البهية ..
وصدق التواصل ..
وحلو الهيام
الاخ يوسف
تحياتي
كتر خيرك علي الكلمات الرقيقة ...
وفي أمان الله | |
|
| |
حيدر حمدالنيل عربي
المساهمات : 12 تاريخ التسجيل : 03/03/2009
| موضوع: رد: والله لكن ! لابدين بيه براااااااااااااااااكم ؟ الأربعاء مارس 04, 2009 2:26 pm | |
| أخي محمد حسنين ،،
التحية والتقدير لكم ،،،
من متابعتي لكتاباتك حسيت أنك مسكون بشعر المبدع محمد الحسن سالم حميد كشخصي وعربوناً للتواصل والمحبة بيننا بهديك كم شريط كاسيت للشاعر المبدع حميد بس عند عودتي السودان في الاجازة شهر أغسطس إن كان في العمر بقية,
يدوم الود ،،، | |
|
| |
محمد حسنين سائح
المساهمات : 6 تاريخ التسجيل : 28/02/2009 العمر : 47
| موضوع: رد: والله لكن ! لابدين بيه براااااااااااااااااكم ؟ الإثنين مارس 09, 2009 11:07 pm | |
| والله يا هالة انا جيت لقيت الناس لابدين ولبدتا ،،، الرائع حيدر اليك بعض من نورا والحلم المدردح :
هي .. أقيفن .. نورة فيكن نورة نقاحة الجروف .. نورة حلابة اللبيني .. للصغيرين والضيوف نورة ساعة الحر يولع .. تنقلب نسمة وتطوف تدي للجيعان لقيمة وتدي للعطشان جغيمة والمخلي الحال مصنقر .. في تقاة الليل تندقر .. تدي لي باكر بسيمة تكسي للماشين عرايا وفوقا إنقطع هديما ما عرفتن نورة إنتن .. قولن إنتن شن عرفتن نورة بت الواطة أخيتي .. نورة اخت كل الغلابة نورة حاحاية الشقاوة .. نورة هداية الضهابة الاراضي الياما أدت .. نورة بقت من ترابا وماشي في الأعماق سحابا مشتهنها .. والله جابا
ونواصل ،،، | |
|
| |
| والله لكن ! لابدين بيه براااااااااااااااااكم ؟ | |
|