منتدي الدويم الاول

منتدي الدويم الاول
 
الرئيسيةالتسجيلدخول

شاطر | 
 

 كلام البايركس ورد الشباب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد الفاتح قريب الله



المساهمات : 13
تاريخ التسجيل : 03/03/2009

مُساهمةموضوع: كلام البايركس ورد الشباب   الخميس مارس 12, 2009 8:24 pm

البايركــــس قالو





لي إيــدينا بنــــــــرفع *** والعازب كلو بيســــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***
بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***
ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلـــ ـع
حياة الســــــترة أملنا *** انشاء الله ربنــــــا يجمــــع
يحن الله عليــــــــــــنا *** ونشــــــيل أيدينا ونرفـــــع
***







ورد الشباب عليهم ب:








للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
***
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
ما جينا زمان شن قلتو *** يا فقير يامقطـــــع أرجــع
***
وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع
ما جينا زمان شـــن قلتو *** يافقير يامقطع أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارا يدفــــــــع
وبشرط الشــيلة العامـرة *** والكرسي الجابر يلمـــع
وذهباً مختوم وأســـــــاور *** مليانة الإيد للأصـــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن الأربــــــــع
نلبس في الكاسي العاري *** ولو طلعت موضة بنتبع
وناكـــل فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك تطمـع
***
مد رجليك قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح يا مبرقـــــع
كيفن بتحـــــب يا أغبش *** من غير شاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بنقطع ونجدع
***
ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
ماجينا زمان شن قلتو *** يافقير يا مقطــــع أرجــــــع
***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعت وا *** من قد القفة الأوســـــــع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلــــــــع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد معتصم

avatar

المساهمات : 58
تاريخ التسجيل : 25/02/2009

مُساهمةموضوع: رد: كلام البايركس ورد الشباب   الخميس مارس 12, 2009 8:29 pm

هههههههههههه........انا خايف بعد شوية يكون ده لسان حالك وتلحق ناس باسطة.......... lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مفيد

avatar

المساهمات : 32
تاريخ التسجيل : 26/02/2009

مُساهمةموضوع: رد: كلام البايركس ورد الشباب   الخميس مارس 12, 2009 9:55 pm

العرس بالفاتحة يا ناس ما حلال



حلتنا من كم سنة مضت
ما سمعنا بواحدة خطبوها بالغلط
حلتنا بالعوانس والبا8يركس اتملت
الشباب هاجر طفش والبنات مشت الزلط
بقن يتلبسن ويتحنكشن ويشاقلوا في سيد اللبن
واحدات عديل اتعقدن قال هاااااااي القبور ولا نبور
مشن اتجندن .. مشوا الحرب ماتوا الرجال هن تاني جن
وجرب الجرسة ...
هي يا يمة كان ككو من البورة ننفكو بس هو بجي
هي با يمة كان احوص يسك الركشة قايلها بص بس هو يجي
هي يا يمة كان ما واعي يجيب الشيلة قطاعي بس هو بجي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مني يوسف



المساهمات : 71
تاريخ التسجيل : 26/02/2009

مُساهمةموضوع: رد: كلام البايركس ورد الشباب   الجمعة مارس 13, 2009 4:08 am

محمد الفاتح
تحياتي
مالك يا اخوي داخل علينا حامي كدا
لقيتني مشغووووووووووولة والموضوع دا دايره ليهو قعدة طويلة لما افضي برجع ليك
في امان الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وليد السر عبد الرحمن

avatar

المساهمات : 65
تاريخ التسجيل : 18/02/2009

مُساهمةموضوع: رد: كلام البايركس ورد الشباب   الجمعة مارس 13, 2009 7:31 am

محمد معتصم كتب:
هههههههههههه........انا خايف بعد شوية يكون ده لسان حالك وتلحق ناس باسطة.......... lol! lol!

يا ممي لسان حالوا الكلام الاول ولا الرد ...... هو لسع ما لحق ناس باسطه ده اخر باااااااسطه اليوين ديل !!! Laughing Laughing Laughing
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد الفاتح قريب الله



المساهمات : 13
تاريخ التسجيل : 03/03/2009

مُساهمةموضوع: رد: كلام البايركس ورد الشباب   السبت مارس 14, 2009 5:06 pm

محمد معتصم كتب:
هههههههههههه........انا خايف بعد شوية يكون ده لسان حالك وتلحق ناس باسطة.......... lol! lol!



[size=18][center]يا ممى اسعدنى مرورك كتيير

طبعا دى منقول من حال باسطة ههههههههه
وصاحبك مابقول اسمو لكن حرفوا الاول (اكرم) افهمها [/center]
[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد الفاتح قريب الله



المساهمات : 13
تاريخ التسجيل : 03/03/2009

مُساهمةموضوع: رد: كلام البايركس ورد الشباب   السبت مارس 14, 2009 5:08 pm

[مفيد"]العرس بالفاتحة يا ناس ما حلال

حلاااااااااااااااااال

مشكور مفيد على المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد الفاتح قريب الله



المساهمات : 13
تاريخ التسجيل : 03/03/2009

مُساهمةموضوع: رد: كلام البايركس ورد الشباب   السبت مارس 14, 2009 5:14 pm

مني يوسف كتب:








محمد الفاتح






تحياتي






مالك يا اخوي داخل علينا حامي كدا






لقيتني مشغووووووووووولة والموضوع دا دايره ليهو قعدة طويلة لما افضي برجع ليك






في امان الله




[color=darkred]منو يسعدنى مرورك


ما تجنى لانوا راس السوط واصلنى انا و ؟؟؟؟؟

اسى انا قلت صلاح سعيد[/color]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد الفاتح قريب الله



المساهمات : 13
تاريخ التسجيل : 03/03/2009

مُساهمةموضوع: رد: كلام البايركس ورد الشباب   السبت مارس 14, 2009 5:17 pm

وليد السر عبد الرحمن كتب:
محمد معتصم كتب:
هههههههههههه........انا خايف بعد شوية يكون ده لسان حالك وتلحق ناس باسطة.......... lol! lol!

يا ممي لسان حالوا الكلام الاول ولا الرد ...... هو لسع ما لحق ناس باسطه ده اخر باااااااسطه اليوين ديل !!! Laughing Laughing Laughing



وليد يا حبيبنا


انت القال ليك منو

ان شاء الله برضو ايامك شاى باللبن هههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صالحه محمد اليماني

avatar

المساهمات : 23
تاريخ التسجيل : 25/02/2009

مُساهمةموضوع: رد: كلام البايركس ورد الشباب   الإثنين مارس 16, 2009 4:57 pm

[quote="محمد الفاتح قريب الله"]
محمد معتصم كتب:
هههههههههههه........انا خايف بعد شوية يكون ده لسان حالك وتلحق ناس باسطة.......... lol! lol!



يا ممى اسعدنى مرورك كتيير

طبعا دى منقول من حال باسطة ههههههههه
وصاحبك مابقول اسمو لكن حرفوا الاول (اكرم) افهمها


سلامات كتيرة محمد الفاتح:
والله انا شاكة في الموضوع دا !!! وعندي احساس قوي تكون كتبتو انت ومعاك واحد كدا.. Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلام البايركس ورد الشباب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الدويم الاول :: المنبر العام-
انتقل الى: